Ҳўрмуз бўғозидаги танкерлар ҳужуми
Ижтимоий тармоқларда Ҳўрмуз бўғозида юз берган жиддий ҳодиса акс этган видео тарқалди. Кадрларда стратегик аҳамиятга эга бўлган сув йўлидаги танкерларга уюштирилган ҳужум оқибатларини кўриш мумкин. Маълум қилинишича, Ҳўрмуз бўғозида тўрт миллион баррелдан ортиқ нефть ташиётган иккита йирик танкер ҳужумга учраган.
Ушбу ҳодиса юзасидан Эрон Ислом инқилоби қўриқчилари корпуси расмий баёнот берди. Маълумотларга кўра, танкерлар белгиланган ва рухсат этилмаган йўналиш бўйлаб ҳаракатланган. Шунингдек, кемалар хавф ҳақида олдиндан берилган огоҳлантиришларга умуман бўйсунмаган ва ҳаракатни давом эттирган.
Улар АҚШ ҳарбий кучлари билан яқиндан ҳамкорлик қилгани ҳам алоҳида айтиб ўтилган. Ушбу кескин ҳолат минтақадаги хавфсизлик ва нефть ташиш жараёнларига катта таъсир кўрсатади. Воқеалар ривожи диққат марказида бўлиб қолади.