Yevropa Ittifoqiga yangi aʼzolar uchun oʻn yillik sinov
Yevropa Ittifoqi rasmiylari ittifoqqa qoʻshilish istagida boʻlgan yangi nomzod davlatlar uchun oʻn yillik sinov muddatini joriy etish tashabbusini ilgari surdi. Ushbu yangi qoida dastlab Chernogoriya misolida amalga oshirilishi koʻzda tutilmoqda va bu boradagi kelishuv loyihasi diplomatlar tomonidan qoʻllab-quvvatlandi. Mazkur qaror Ittifoqqa yangi qoʻshilayotgan davlatlarning barqarorligini taʼminlash hamda ichki islohotlarni toʻliq amalga oshirishga qaratilgan muhim qadam sifatida baholanmoqda.
Shu bilan birga, sinov davrida yangi aʼzolarning ovoz berish huquqlarini toʻxtatib qoʻtish mexanizmi ham koʻzda tutilgan boʻlib, bu qaror asosan turli qoidabuzarliklar va kelishmovchiliklarning oldini olishga xizmat qiladi. Bu kabi talablar Yevropa Ittifoqining kengayish jarayonini yanada qatʼiy nazorat ostiga olish va uning ichki siyosiy xavfsizligini mustahkamlash zaruratidan kelib chiqqan holda ishlab chiqilgan.