Polshada raketa sabab trevoga urildi
Rossiya tomonidan uchirilgan raketa va dronlar Polsha havo hududini buzib oʻtdi. Mamlakat Mudofaa vaziri Vladislav Kosinyak-Kamish ushbu hodisa Ukraina bilan chegaraga yaqin hududlarda sodir boʻlganini va uchta uchoq, jumladan X-101 raketasi urib tushirilgani yoki qulaganini maʼlum qildi. Polsha Bosh vaziri Donald Tusk ushbu hodisani Moskva tomonidan uyushtirilgan aniq fitna va provokatsiya deb baholadi.
Noviy Lipovets, Molodich va Rudnik-nad-Sanem aholi punktlari yaqinida chiqindilar topilgan. Hodisa oqibatida hech kim jabrlanmagani aytilmoqda. Chegara yaqinida joylashgan Yasenka aeroporti va Svidnik shahrida Patriot havo hujumidan himoya tizimlari toʻliq jangovar holatga keltirildi.
Bu voqea Yevropada Ukrainaga yordam berish boʻyicha xalqaro harbiy mashgʻulotlar oʻtkazilayotgan bir vaqtda sodir boʻldi. Harbiy mashgʻulotlar oʻtayotgan maydondan bor-yogʻi 76 kilometr masofada raketa qulashi NATO davlatlarida jiddiy xavotir uygʻotdi. Polsha hukumati ushbu tajovuzkor harakat sababli NATOdan sharqiy chegaralarni himoya qilishda qoʻshimcha harbiy yordam soʻraydi.
Shimoliy Atlantika alyansi Bosh kotibi Mark Ryutte Varshavaga tashrif buyurib, Polshani toʻliq qoʻllab-quvvatlashini bildiradi.