Yevropa migrantlarni Ruandaga yubormoqchi
Yevropaning beshta davlati noqonuniy migrantlarni Ruandaga deportatsiya qilish boʻyicha kelishib oldi. Germaniya, Avstriya, Niderlandiya, Yunoniston va Daniya bu rejani birgalikda amalga oshiradi. Bu Yevropa Ittifoqining migratsiya siyosati keskinlashayotganidan dalolat beradi.
Rejaga koʻra, boshpana berish rad etilgan shaxslar Afrikaga yuboriladi. Loyiha 2027 yildan toʻliq kuchga kirishi kutilmoqda. Dastlabki bosqichda 200 nafargacha odam deportatsiya qilinishi mumkin.
Bu davlatlar migratsiya tizimini tartibga solish va noqonuniy oqimni kamaytirishni maqsad qilgan. Yevropada oʻng qanot partiyalarning mashhurligi oshishi hukumatlarni shunday qadamga majbur qilmoqda. Ilgari Germaniya kabi davlatlar millionlab qochqinlarni qabul qilgan edi.
Endi esa chegaralarni nazorat qilish va noqonuniy kelganlarni chiqarib yuborish ustuvor vazifaga aylandi. Inson huquqlari tashkilotlari bu rejani tanqid qilishi mumkin. Biroq Daniya bosh vaziri Mette Frederiksen buni barqaror tizim uchun zarur deb atadi.
Keyingi oylarda loyihaning huquqiy va texnik tafsilotlari ishlab chiqiladi va 2027 yil boshida yakuniy qaror eʼlon qilinadi.